EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim<br /><br />Jonila Gjini nuk ka ndarë vetëm historinë e saj të dhimbshme, humbjen e motrës në aksident, tek rubrika ?Ka një mesazh për ty?, ajo ka treguar edhe historinë e hallës së saj e cila prej 27 vitesh nuk i shikon fëmijët e saj. Halla e saj Diella është ndarë nga bashkëshorti 38 vite më parë.<br /><br />Ajo mori me vete 3 fëmijët e saj, por nga kushtet e vështira ekonomike i dërgoi sërish tek i ati, me shpresën se një ditë do bashkëpunojnë sërish apo do i rimerrte.<br /><br />Por kjo mesa duket nuk ndodhi kurrë, ajo ka jetuar pa parë fëmijët e saj për 27 vite dhe arsyen pse ata nuk duan ta takojnë, ajo nuk e di.<br /><br />Ardit Gjebrea: Cili është motivi që ti dhe motra do sillnit sot hallën këtu?<br /><br />Jonila Gjini: Halla jonë ka një histori të jashtëzakonshme. Para 38 vitesh ajo është divorcuar nga bashkëshorti dhe ka pothuajse 27 vjet që nuk flet fare me fëmijët e saj. Në fillim është larguar nga famija e bashkëshortit së bashku me tre fëmijët e saj dhe ka shkuar tek gjyshi im, por për shkak të problemeve ekonomike të asaj kohe, nuk kanë mundur t?i mbajnë fëmijët dhe i kanë kthyer sërish. Nuk e di se çfarë ka ndodhur, por fëmijët e saj kanë 27 vite që nuk i flasin më.<br /><br />Ardit Gjebrea: Ajo kur i ktheu fëmijët, i ktheu me idenë që do i linte gjithmonë atje, apo që do i rimerrte përsëri?<br /><br />Jonila Gjini: Ndoshta për t?i rimarrë më vonë ose ndoshta për të bashkëpunuar me ish-bashkëshortin për fëmijët e tyre, por kurrë për t?i braktisur. Gjatë gjithë këtyre viteve, në sytë e saj kam parë mungesën e fëmijëve. Unë hallën e kam parë shumë herë duke vuajtur për fëmijët dhe arsyeja e ardhjes sime këtu, është një reflektim i atyre që kam parë gjatë gjithë këtyre viteve. Një reflektim që kishte halla për fëmijët, i mungesës së tyre.<br /><br />Ardit Gjebrea: Ka bërë halla ndonjë hap për t?i takuar?<br /><br />Jonila Gjini: Patjetër që po, së bashku me familjen time kanë bërë shumë herë përpjekje për t?i takuar fëmijët, por ata nuk kanë pranuar në mënyrë kategorike që të takohen me hallën.<br /><br />Ardit Gjebrea: Pse, e dini motivin?<br /><br />Jonila Gjini: Nuk e dimë asnjë motivin.<br /><br />Jonilda ka treguar së në kohën që punonte në një zyrë sigurimesh ka ardhur kushërira e saj, vajza e hallës tjetër së bashku me një djalë dhe e ftojnë për kafe. Kur u nisën për kafe gjatë rrugës ajo kuptoi se ai ishte djali i hallës. Sapo e kuptoi këtë gjë, e përqafoi e emocionuar. Ai dëshironte të takonte kushërinjtë e tij, por në mënyrë kategorike nuk dëshironte të fliste për të ëmën. Madje motra e Jonilës kur ishte gjallë planifikonte që në dasmën e saj të ftonte edhe fëmijët e hallës.<br /><br />Ardit Gjebrea: Ku jetojnë fëmijët e hallës.<br /><br />Jonila Gjini: Nuk e di saktësisht, di vetëm që djali jeton në Gjermani.<br /><br />Ardit Gjebrea: Çfarë mesazhi do i japësh hallës sot?<br /><br />Jonila Gjini: Në radhë të parë dua që fëmijët e saj të kuptojnë se realisht kanë një nënë ...
