KAVAJË - Me një vajzë të vogël përdore dhe me një thikë në dorën tjetër, Rizan Aliu nga Kavaja hyri në mes të një lokali në këtë qytet, duke dhunuar e plagosur një qytetar.<br /><br />Nga pamjet e siguruara nga Report Tv janë disa momente nga konflikti që për pak sa nuk ka përfunduar në tragjedi 3 ditë më parë.<br /><br />Në bar kafen ku është regjistruar ngjarja shihet Rizan Aliu teksa futet brenda në lokal në orën 19:46 minuta i shoqëuar dhe nga një vajzë e vogël.<br /><br />Menjëherë Aliu tashmë i shpallur në kërkim nga ana e policisë ka shkuar në drejtim të të moshuarit të identifikuar si Besnik Çelmeta duke e qëlluar këtë të fundit fillimisht me grusht e më pas me thikë sicc shihet edhe në këto pamje. <br /><br />E gjithë ngjarja është zhvilluar në pak sekonda me autorin që pasi e ka goditur brutalisht të moshuarin duke i shkaktuar plagë të rënda largohet nga ambjentet e bar kafes duke mbajt në dorë dhe thikën me të cilën goditi Besnik Çelmetën.<br /><br />Për të shuar këtë konflik kanë tentuar të ndërhyjnë qytetarë të rastësishëm në lokal por duke qenë se autori ka qenë i armatosur ata kanë preferuar të mos ndërhyjnë por kanë zgjedhur të largohen.<br /><br />Nuk dihen motivet që kanë shtyrë autorin të dhunojë të moshuarin, fundi i të cilit mund të ishte tragjik.<br /><br />Report TV u interesua pranë komisariatit të Kavajës që mbulon dhe zonën ku është regjistruar ngjarja, por përgjigjia ishte tepër e rezervuar, ku i vetmi informacion ishte se autori Rizan Aliu është shpallur në kërkim, por pa treguar detaje për ngjarjen.
