Lajme Arkiva - TV Klan 2000<br /><br />Komisioni Qendror i Zgjedhjeve, ka mbyllur zyrtarisht diskutimet mbi rezultatin e votimit, për kryetarin e bashkisë së Himarës. Ky komision ka hedhur poshtë kërkesën e PBDNJ, për ripërsëritjen e votimeve në qendrat e votimit, në fshatrat Pilur, Palasë, Kridhës, Qeparo e Dhërmi, fshatra që i përkasin bashkisë së Himarës. <br /><br />Partia Bashkimi për të Drejtat e Njeriut, pretendonte se kryetari i komisionit qendror të qeverisjes vendore, Thanas Duri, u ka bërë presion anëtarëve të komisionit të votimeve, duke përdorur armët, ndërkohë që sipas tyre ishin hedhur fletë votimi në mënyrë abuzive, pro kandidatit socialist Viktor Mato. Anëtarët e KQZ, deklaruan se edhe sikur votimi të përsëritej në këto fshatra, rezultati nuk do të ndryshonte, pasi diferenca e votave mes kandidatit të PS Viktor Mato, i cili fitoi 2000 vota, kundrejt 730 votave të Vasil Bollanos të PBDNJ është një diferencë e madhe.<br /><br />Kundërshti i ankesës për ripërsëritjen e votimeve në Himarë, ka ardhur pas takimeve të ambasadorit amerikan Limpreht me kryetarin e KQZ Fotaq Nano, Presidentin Mejdani dhe kryetarin e PBDNJ Vasil Melo./tvklan.al<br /><br />Gazetar ? Vladimir Lame <br /><br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
