Dy oficerë policie janë qëlluar në mesin e protestave të mëdha në qytetin amerikan të Luisvillit, pasi juria në një gjykatë vendosi se asnjë polic nuk do të përballej me akuza për vrasjen e një gruaje afro amerikane, të paarmatosur, Breonna Taylor.<br /><br /><br />26 vjeçarja Taylor, punonjëse në një spital, u qëllua disa herë ndërsa tre oficerë hynë për një kontroll në shtëpinë e saj më 13 mars. Njëri prej tyre, Brett Hankison, u akuzua jo për vrasjen e Taylor por rrezikim të panevojshëm, pasi qëlloi në apartamentin e një fqinji në Luisvill.<br /><br />Dy oficerët e tjerë nuk do të akuzohen për asgjë. Rastet e vrasjes së afro amerikanëve të paarmatosur nga policia kanë ndezur zemërim në të gjithë shtetet e bashkuara duke u përshkallëzuar veçanërisht pas vdekjes së George Floyd në duart e policisë në Minneapolis, në maj.<br /><br />Shefi i policisë në Luisvill tha ndërkohë se policët e qëlluar në protestën e të mërkurës nuk kishin plagë të rënda. Ai shtoi se një i dyshuar ishte arrestuar. Gjendja e emergjencës është shpallur në Luisvill dhe roja kombëtare është dislokuar atje. Kryebashkiaku kishte shpallur ndalim qarkullimi në qytet nga ora 21 deri në 6 të mëngjesit për tre ditë. Por pavarësisht masave, turmat u mblodhën pas orës 21,00. Protesta kundër veprimit të gjykatës u mbajtën po ashtu edhe në Nju Jork, Uashington, Atlanta dhe Chikago.<br /><br />Pamje: AFP<br /><br />Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. ? Informohu i pari? , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. <br /><br />Për më shumë vizitoni: http://top-channel.tv/ <br /><br />Subscribe to "Top Channel" on YouTube Channel for NEWS and TV <br />Shows HERE: http://bit.ly/2Y15KwK <br />For more content from click HERE: www.top-channel.tv <br />Like Top Channel on Facebook HERE: http://bit.ly/2FglWTs <br />Follow Top Channel on Instagram HERE: http://bit.ly/2uaYG2U <br />Follow Top Channel on Twitter HERE: http://bit.ly/2TJndeH <br />#SHBA#Proteste#TopChannel
