Kryeministri Edi Rama iu përgjigj deklaratave të Sali Berishës, i cili më herët kishte thënë se Rama hoqi dorë nga kandidimi në Durrës, pasi mori vesh se atje do të kandidonte edhe Lulzim Basha.<br /><br />Gjatë prononcimit për mediat, pas takimit me drejtorët dhe asanblenë e PS-së në Vlorë, Rama tha se për moshën që ka, Berisha duhet lënë në vetminë e tij. Më tej Rama u shpreh se ish kryeministri nuk ka çfarë u jep më shumë shqiptarëve dhe prandaj është fatkeqësi për ata që e dëgjojnë. <br /><br />"Do iu sugjeroj miqësisht që ta konsideroni për moshën që ka një njeri që thjesht duhet lënë në vetminë e tij dhe pastë jetë të gjatë e shëndet dhe i gëzoftë nipat e mbesat.<br /><br />Shqipërisë dhe shqiptarëve nuk ka asgjë çfarë u jep më dhe fatkeqësisht për të dëgjuar atë që populli thotë mos ia dëgjo plakut, se është fatkeqësi për ata që e dëgjojnë.<br /><br />Unë se kam dëgjuar fare se çfarë ka thënë është një njeri që duhet injoruar plotësisht", tha Rama.
