TIRANË- Merrte para për t?u dhënë provimin studentëve, GJKKO lë në burg pedagogun dhe koordinatorin e LSI në Korcë, 34 vjeçarin Alket Dino. Të njëjtën masë sigurie togat e zeza caktuan dhe për sekserin Xhevi Dervishin 35 vjeç.<br /><br />Në një seancë që zgjati për më shumë se 2 orë Prokuroria e Posaçme ?SPAK? paraqiti prova dhe fakte që sipas tyre implikohen Alket Dino dhe Xhevi Dervishi. Ky i fundit pas arrestimit ka pranuar përfshirjen në këtë skemë duke deklaruar se paratë i ndante 50 me 50 me pedagogun por më pas nuk ka pranuar të flasë.<br /><br />Ndërsa vetë Dino ka mohuar akuzat e ngritura ndonëse gjatë arrestimit atij iu kapën dhe sekuestruan 50.000 lekë dhe 300 euro që dyshohet se ishin përfituar nga studentët në këmbim të një note kaluese.<br /><br />Por "si vihej në jetë" skema korruptive ? Skema korruptive e ngritur nga pedagogu dhe sekseri i tij në universitetin ?Fan Noli? është zbardhur nga SPAK pas një hetimi disa ditor. Burime nga organi i akuzës i thanë ReportTV se në momentin që Xhevi Dervishi (sekseri) merrte paratë nga studentët, Alket Dino bënte ndryshimin e notës.<br /><br />Këtë fakt SPAK e ka provuar duke sekuestruar edhe provimet e studentëve të universitetit ?Fan Noli? në Korçë dhe përgjimet telefonike mes tyre. Nga kqyrja e tyre rezultoi se dhe ata student të cilët ishin përgjigjur në provime me shkrim nuk kishin arritur të merrnin notë kaluese. Si provë për hetimin u morën edhe dëshmi nga studentët të cilët në deklarimet e dhëna kanë treguar se Dino ishte kthyer në tmerr për të gjithë pasi nga gjithë auditori ai kishte dhënë vetëm 5 nota kaluese. Për një notë kaluese pedagogu merrte 50 mijë lekë.
