Sodanik<br />Përbërësit<br />3 kokrra vezë<br />1 filxhan çaji sheqer (150 gr)<br />1 filxhan çaji kos (150 gr)<br />100 gr gjalp ambienti<br />250 gr miell misri<br />50 gr miell gruri<br />1 lugë kafeje sodë<br />½ lugë kafeje pluhur pjekës<br />Kripë<br />Përgatitja:<br />Në një tas vendosim 3 kokrra vezë të plota , i rrahim ato duke shtuar sheqerin. Sapo sheqeri të tretet shtojmë kosin. E trazojmë mirë duke shtuar më pas gjalpin e temperaturës së ambientit, pak vanilje dhe pak kripë. Në një tas përziejmë miellin e misrit me miellin e grurit , sodën e bukës dhe pluhurin pjekës. Shtojmë më pas miellin e përzier gradualisht në tasin me vezë, sheqer dhe kos. E trazojmë vazhdimisht me lugë druri derisa në fund të na formohet një masë e lidhur si brumë keku. Lyejmë një tavë me pak gjalp dhe nivelojmë mirë brumin e sodanikut dhe më pas e vendosim në furrë të piqet në temperaturën 180ºC për 30 minuta.
