Dita Kombëtare e Trashëgimisë është përkujtuar edhe në rrethe. Në qytetin e Fierit është çelur një ekspozitë fotografike për këngët edhe vallet tradicionale. Ndërsa, në qytetin e Korçës janë ekspozuar veprat e shekujve XII-XIX të restauruara.<br /><br />Dita Kombëtare e Trashëgimisë Kulturore, përpos në Tiranë është përkujtuar edhe në qytete të tjera të vendit, Shkodër, Korçë edhe Fier.<br /><br />Në Muzeun Kombëtar të Artit Mesjetar në Korçë është çelur ekspozita "Restaurime". Janë 13 vepra të autorëve të njohur, të cilat i përkasin shekujve XVII dhe XIX<br /><br />?Nga specialistët është bërë një punë kolosale për rikthimin e këtyre veprave në identitet, duke realizuar ndërhyrjet me mjeshtëri pa cenuar origjinalitetin dhe vlerat qe ato mbartin?, shprehet Fjoralba Prifti.<br /><br />Edhe në qytetin e Fierit, në Muze është çelur një ekspozitë fotografike, që ka në qendër këngët edhe vallet tradicionale me të cilat rrethi i Fierit është përfaqësuar në Festivalet Folklorike Kombëtare<br /><br />?Në kuadrin e Ditës Kombëtare të Trashëgimisë Kulturore në Muzeun e Fierit është zhvilluar një aktivitet dhe një ekspozitë fotografike me pamje nga tradita e këngës popullore, valleve, kostumografisë me të cilat rrethi i Fierit ka qenë i përfaqësuar dhe është shpallur disa herë fitues në Festivalet Folklorike Kombëtare të Gjirokastrës, por edhe në aktivitete të tjera të nivelit kombëtar dhe rajonal?, është shprehur drejtori i këtij Muzeu Ilirjan Gjika.<br /><br />Ekspozitat do të vazhdojnë që të qëndrojnë hapur për vizitorët.
