#rtvora #rtvoranews<br /><br />Kontrolli i Lartë i Shtetit ka evidentuar një dëm ekonomik prej 35.8 milionë eurosh në buxhetin e shtetit në gjashtë muajt e parë të vitit. Shifra është përllogaritur nga auditimi i kryer në 34 subjekte ku është konstatuar keqmenaxhim i financave publike.<br /><br />KLSH ka vlerësuar një nivel të lartë risku pasi edhe gjatë kësaj periudhe shkeljet më të mëdha me efekte të konsiderueshme në buxhetin e shtetit lidhen me keqpërdorimin e fondeve.<br /><br />Në raport thuhet se parregullsitë më të mëdha janë konstatuar në mbledhjen e të ardhurave si dhe në shpenzime.<br /><br /> ?Parregullsi dhe shkelje financiare, në të ardhurat dhe në shpenzimet e kryera, me dëm ekonomik në shumën totale prej 17,5 milionë euro.?<br /><br />Ndërsa pjesa tjetër e dëmit i përket performancës së subjekteve.<br /><br />?Shkelje të disiplinës financiare me ndikim negativ në perfomancën e subjekteve të audituara, në shumën totale 18.3 milionë euro nga të cilat: 8.5 milionë euro në fushën e të ardhurave, dhe 9.8 milionë euro në fushën e shpenzimeve jo me eficiencë.?<br /><br />Fushat ku janë konstatuar shkeljet më të mëdha në gjysmën e parë të vitit janë tatimet dhe taksat me vlerë mbi 1 miliardë lekë, doganat 453 milionë lekë dhe më shumë se 336 milionë lekë dëm në prokurimet publike.<br /><br />Pas auditimeve të realizuara nga janari deri në qershor KLSH ka evidentuar edhe shkelje penale për të cilat ka dorëzuar dhjetë padi penale në prokurori duke kërkuar hetim për shkeljet e konstatuara.<br /><br />Për më shumë lexoni në: https://www.oranews.tv/auditimi-i-klsh-se-35-8-mln-euro-dem-ne-buxhetin-e-shtetit-kryesojne-tatim-taksat/<br /><br />Follow TV Ora dhe RTV Ora News <br /><br />Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp <br /><br />Për më shumë na ndiqni në: www.oranews.tv
