Ministrja e Shtetit për Marrëdhëniet me Parlamentin Elisa Spiropali në një intervistë për Report Tv ka deklaruar se ndryshimet në Kodin Zgjedhor që u votuan sot në Komisionin e Ligjeve janë mbështetur edhe nga disa deputetë të opozitës, ndërsa shtoi se është e kënaqur që ndryshoi pragu nga 3% në 1%.<br /><br />"Ne duhet të kemi një draft që përputhet me qëllimet tona dhe me vizionin tonë si duhet t ëjetë sistemi. Disa prej përfaqësuesëve të opozitës parlamentare kanë qenë dakort me draftin dhe është votuar në komision të ligjeve. Mbetet për t'u parë pastaj. Unë jam e kënaqur që ndryshoi pragu sepse kjo u jep mundësi edhe partive të vogla apo forcave të reja që të kenë në shans në parlament dhe nuk krijojnë një barrierë dyfishe", shtoi ajo.Ndërkaq ka komentuar përplasjen e fundit me ish-kreun e Partisë Socialiste në rrethin e Shkodrës, Edip Shiroka, i cili i është drejtuar me fjalë ofenduese, teksa i ka kujtuar një miting të hershëm të PS në këtë qytet.<br /><br />Ajo i ka quajtur shpifje dhe qesharake deklaratat e këtij të fundit, kurse sa i përket telefonatës së bërë nga ana e saj për Shirokën, Spiropali nuk ka dashur ta komentojë duke thënë se ai mund ta çojë çështjen në Prokurori.<br /><br />"Ato janë shpifje dhe përdorin një gjuhë e denigruese në këtë studio ju nuk mund ti përdorni, se unë ik nga studio. Është qesharake, është personazh që... qesharake.<br /><br />Zoti Shiroka ta çojë në prokurori s'keni nevojë ju të bëheni zëdhënësi i një personazhi kaq periferik. Zoti Shiroka mund ti çojë në prokurori", tha ajo.
