ಭಾರತದಲ್ಲಿ ಸಿವಿಕ್ ಸೆಡಾನ್ ಹಾಗೂ ಸಿಆರ್-ವಿ ಎಸ್‌ಯುವಿಗಳ ಉತ್ಪಾದನೆಯನ್ನು ಸ್ಥಗಿತಗೊಳಿಸುವುದಾಗಿ ಹೋಂಡಾ ಕಾರ್ಸ್ ಇಂಡಿಯಾ ಕಂಪನಿಯು ತಿಳಿಸಿದೆ.<br /><br />ಕಂಪನಿಯು ತನ್ನ ಗ್ರೇಟರ್ ನೋಯ್ಡಾ ಉತ್ಪಾದನಾ ಘಟಕದಲ್ಲಿ ವಾಹನ ಉತ್ಪಾದನೆಯನ್ನು ಸ್ಥಗಿತಗೊಳಿಸಿ, ಸಂಪೂರ್ಣ ಉತ್ಪಾದನಾ ಘಟಕವನ್ನು ರಾಜಸ್ಥಾನದ ಅಲ್ವಾರ್ ಜಿಲ್ಲೆಯ ತಪುಕರ ಘಟಕಕ್ಕೆ ಸ್ಥಳಾಂತರಿಸುತ್ತಿರುವ ಹಿನ್ನೆಲೆಯಲ್ಲಿ ಈ ನಿರ್ಧಾರವನ್ನು ಕೈಗೊಂಡಿದೆ.<br /><br />ಆದರೆ ಹೆಡ್ ಆಫೀಸ್ ಕಾರ್ಯಗಳು, ಇಂಡಿಯಾ ಆರ್ ಅಂಡ್ ಡಿ ಸೆಂಟರ್, ಆಟೋಮೊಬೈಲ್ ಸೇರಿದಂತೆ ಇನ್ನಿತರ ಕಾರ್ಯಾಚರಣೆಗಳು ಗ್ರೇಟರ್ ನೋಯ್ಡಾದಲ್ಲಿಯೇ ಮುಂದುವರೆಯಲಿವೆ. <br /><br />ಲಾಕ್‌ಡೌನ್ ನಂತರ ಕಾರ್ಯಾಚರಣೆಗಳು ಪೂರ್ತಿಯಾಗಿ ಪುನರಾರಂಭಗೊಂಡ ನಂತರ, ಕಂಪನಿಯು ತನ್ನ ಉತ್ಪಾದನಾ ಪ್ರಮಾಣವನ್ನು ಕೋವಿಡ್ ಅವಧಿಗೂ ಮುನ್ನವಿದ್ದ ಮಟ್ಟಕ್ಕೆ ಕೊಂಡೊಯ್ದಿದೆ.
