An Urdu poem on birth anniversary of Quaid-i-Azam Mohammad Ali Jinnah <br />naqshaa <br />نَقشہ <br />قائِد تِرے چَمَن کا تو نَقشہ بَدَل گَیا <br />مَشرِق کا ایک بازُو ، بَدَن سے نِکَل گَیا <br />جَمُّوں خَیال و خوابِ پَرِیشاں ہے آج تَک <br />جَتھا سَپولِیوں کا تو ڈھاکہ نِگَل گَیا ! <br />یُوں ہو گَیا ہے طالِبِ پَیکار پاسباں <br />مَجنُوں ہو راہِ عِشق سے جَیسے بِچَل گَیا <br />کَہتا تھا ہَم کو جو بھی ، عَزِیزانِ گُلسِتاں! <br />پَیروں تَلے چَمَن کے گُلوں کو کُچَل گَیا <br />پُوچھا کِسی نے خواب وہ قائِد کا کیا ہُوا؟ <br />بے ساختہ ہی آنکھ سے دَریا اُبَل گَیا <br />زَنجِیرِ عَدل کھینچ کے دیکھی ہے جَب کَبھی <br />مُنصِف ہی حِرصِ خام کی خاطِر پِھسَل گَیا <br />نَیرَنگ باز پُتلی نَچاتا تھا شاہ کی <br />یہ کھیل کھیلنے کو کِھلاڑی مَچَل گَیا ! <br />بَنگالیوں کے بعد بَلوچوں کی خیر ہو ! <br />سَو راز گُمشُداؤں کا قِصّہ اُگَل گَیا ! <br />تَزئِینِ گُلسِتاں کی جَسارَت پہ ہَر قَدَم <br />پُھولوں کو زیرِ کَفش مُحارِب مَسَل گَیا <br />سُنتے ہیں کوتوالِ شَہر گَھر سے اُٹھ گَیا ! <br />اَپنا تو فَرطِ خوف سے دِل ہی اُچَھل گَیا <br />ہَر گوشہ ءِ جَمال پہ چھائی ہے تِیرگی <br />قائِد تِرے شَہر کا جَنازہ نِکَل گَیا ! <br />رَنج و اَلَم کا اَیسا تَسَلسُل رَہا عقیلؔ <br />نوحہ زَنی میں اَپنا تو ذَوقِ غَزَل گَیا ! <br />sikander aqeel ansari
