Target ng gobyerno na matapos sa kalagitnaan ng Abril ang pagbakuna sa mga medical frontliner. <br /><br />Ito ang iginiit ni NTF Chief Implementer at Vaccine Czar Secretary Carlito Galvez Jr. sa isang online forum kanina..<br /><br />Giit ni Galvez, nasa 1.7 million medical frontliners ang target na mabakunahan.<br /><br />Pagkatapos ng mga frontliner, isusunod na ang mga nasa priority list na gaya ng mga senior citizen, indigent population at vulnerable sector..<br /><br /> Ayon pa sa kalihim, oras na dumating ang mas maraming suplay ng bakuna sa bansa, posibleng masimulan na ang mass vaccination sa buwan ng Mayo at Hunyo.<br /><br /> Sa datos na ibinigay ni Galvez, naipamahagi na sa mga vaccination site sa ibat ibang bahagi ng bansa ang nasa 1.2 million na paunang suplay ng bakuna laban sa COVID-19 na dumating sa Pilipinas. <br /><br />Puspusan naman umano ang ginagawa ng gobyerno para makakuha ng mas maraming suplay ng bakuna. <br /><br />Paglilinaw pa niya, mahigpit din nilang binabantayan ang mga nababakunahan sakaling may makaranas sa kanila ng adverse effects.
