मुळ गौरी गीत:<br />आषाढ मासी एकादशी, पहिली पंचमी कुण्या दिशी<br />अगं या पंचमीचा नाग, गणेशाला आली जाग, साजणीबाई.<br />अगं या गणेशाची खीर, गवरीची भाजी चीर, साजणीबाई.<br />अगं या गवरीची भाजी, शंकराला पोळी ताजी, साजणीबाई.<br />अगं या शंकराची पोळी, दसऱ्यानं दिली हाळी, साजणीबाई.<br />अगं या दसऱ्याची घाटी, शिलंगणाला झाली दाटी, साजणीबाई.<br />अगं या शिलंगणाचं सोनं, दिवाळीनं केलं येणं, साजणीबाई.<br />अगं या दिवाळीचा दिवा, संक्रांतीनं केला धावा, साजणीबाई.<br />अगं या संक्रांतीचा वौसा, शिमगा राहिला दोन मासा, साजणीबाई.<br />अगं या शिमग्याची होळी, पाडव्यानं दिली हाळी, साजणीबाई.<br />अगं या पाडव्याची गुडी, आक्कीतीनं टाकली उडी, साजणीबाई.<br />अगं या आक्कीतीचं आळं, बेंदराला खावी फळं, साजणीबाई.<br />अगं या बेंदराचा बैल, पंचमीला माहेरी येणं होईल, साजणीबाई.
