मुळ गौरी गीत:<br />अगं या गवरीच्या महिन्यात, लागली गवर, गवर फुलायला.<br />बंधू लागला लागला बोलायला, जातो बहिणीला बहिणीला आणायला<br />कर शिदोरी शिदोरी भरपेट, भर शिदोरी शिदोरी काठोकाठ<br />गेला बहिणीला बहिणीला आणायला, आडव्या नदीला नदीला आला पूर<br />पाच फुलांची फुलांची केली नाव, त्यात बसले बसले बहीण भाऊ<br />वल्हं मारतो मारतो नामदेव, नामदेवाच्या देवाच्या एकादशी<br />भावजं तळती तळती अनारस, आला बहिणीला बहिणीला घेऊईनी<br />वाढ बहिणीला बहिणीला दूध-भात, रात्री म्हशीनं म्हशीनं दिली लाथ<br />तांब्या पडला पडला गोरणीत, कुठला वाढू मी वाढू मी दूध-भात<br />वाढ बहिणीला बहिणीला दही-भात, त्याही दह्याचं दह्याचं केलं ताक<br />कुठला वाढू मी वाढू मी दही-भात.<br />वाढ बहिणीला बहिणीला ताक-भात, त्याही ताकाची ताकाची केली कढी<br />त्याही कढीचा कढीचा नाश झाला.<br />कुठला वाढू मी वाढू मी कढी-भात.
