नागपूर : गरज ही शोधाची जननी आहे, असे म्हटले जाते ते उगीचच नाही. नागपुरातील युवा छायाचित्रकार हिमांशू बनगडकर हा याचे उत्तम उदाहरण म्हणावे लागेल. लॉकडाउनमुळे लग्न समारंभ बंद असल्यामुळे हिमांशूला आगामी रक्षाबंधनाच्या पार्श्वभूमीवर नवीन प्रकारच्या फोटो राखी बनविण्याची अनोखी कल्पना सुचली. या फोटो राखीवर भावासोबतच बहिणीचेही छायाचित्र राहणार आहे. गिऱ्हाईकच्या मागणीनुसार तो ऑर्डर घेऊन त्यांचे छायाचित्र या आकर्षक राखीवर चिकटवितो. सध्या लॉकडाउनमुळे बाजारपेठा बंद असल्यामुळे त्याने ऑनलाईन सेवाही उपलब्ध करून दिली आहे. अत्यंत स्वस्त दरातील या राख्यांची चर्चा असून, नागपूरकर तरुण-तरुणी खूप पसंत करीत आहेत. (व्हिडिओ : प्रतीक बारसागडे)
