Gruaja në foto është nëna e 34-vjeçarit shqiptar që u ekzekutua mr armë në një lokal në mes të Athinës pasditen e kësaj të diele. Mediat greke kanë publikuar video të nënës së shqiptarit të vrarë, e cila qan në trotuar, pak metra larg vendit ku iu vra i biri.<br />Ajo thotë se policia greke e di se cilët janë vrasësit e djalit të saj, por nuk i arreston, teksa përmend edhe emrin e të birit që quajnë Ari.<br />“Ari, ku do ta dëgjoj tani zërin tënd. Ari im... më tha djali që do të dal jashtë.... Ari... Ku është policia? Ku janë vrasësit që vranë fëmijën tim? Nuk i njohin kush janë? I njohin por nuk duan që t’i kapin. Nuk duan t’i kapin... I njohin, i njohin... Shqiptarët e m***it”, thotë mes lotësh nëna e 34-vjeçarit të ndjerë.<br />Shqiptari u qëllua me të paktën 8 plumba teksa qëndronte i ulur brenda një lokali në lagjen Sepolia në Athinë. Ai ka marrë plagë në trup dhe në kokë. Vrasësi u fut brenda lokalit, qëlloi me gjaknxehtësi mbi shqiptarin dhe u largua. Sipas shtypit grek, dyshohet të jetë arratisur me taksi.<br />Mediat e Athinës raportojnë se shqiptari që u ekzekutua është një emër i njohur për autoritetet greke. Ka qenë i përfshirë në trafikun e drogës, si dhe i dënuar për vrasje në tentantivë, vjedhje e grabitje. 34-vjeçarit i janë bërë edhe atentate të tjera në të kaluarën. I fundit ka qenë në muajin Shkurt sërish në Athinë, kur u qëllua në mes të rrugës. <br />Edhe në atë ngjarje, atentatorët u arratisën me një taksi, por pistoletën e harruan brenda makinës. Gjithashtu, një ditë para atentatit të muajit Shkurt, 34-vjeçari ishte ndaluar nga policia pasi ishte vënë re duke qarkulluar me një jelek anti-plumb të veshur. <br />
