ТВ 24 ДОЗНАВА - СЕ ВЕШТАЧИ ТЕЛЕФОНОТ НА ЕДЕН ОД ОРГАНИЗАТОРИТЕ НА СЕКС КАМПОТ <br />Сунаи Сабриоски пон, 04.10.2021 | ТВ24 <br />Телефонот на еден од организаторите на Првиот скопски извиднички одред одземен на вештачење, додека сите инволвирани во контроверзниот камп се повикани на информативни разговори а во меѓувреме се зголемил бројот на пријави од страна на родители чии деца биле дел од кампот на извидници, дознава ТВ24 од извори на истрагата. <br /> <br />Од Обвинителството појаснуваат дека во координација со МВР истражуваат што точно се случувало на кампот за кој родители обвинија за скандалозни сексуални активности во кои биле инволвирани нивните деца. <br /> <br />Од Првата детска амбасада „Меѓаши“ бараат одговорност за инволвираните во извидничкиот камп, ги повикаа МВР и ЈО да го расветлат случајот бидејќи според „Меѓаши“ постојат сериозни индиции за кривично дело во кое децата се жртви на манипулација и злоупотреба. <br /> <br />За случајот се заинтересира и Народниот правобранител кој по сосптвена иницијатива оформил предмет, денес за ТВ24 од таму велат скандалозниот камп итно да се расветли. <br /> <br />„Случајот треба целосно да се испита и расветли, почитувајќи го принципот на итност и со посветување на должно внимание на потребите на детето жртва, и делување во правец на избегнување на дополнителна виктимизација, координирано дејствување на сите надлежни организа, со цел заштита на најдобриот интерес на детето.“ - вели заменик-народниот правобранител, Васка <br /> <br />За скандалозниот извиднички камп родителите обвинија за експлицитни и контроверзни сексуални активности како секс пози пред манастир, премачкување со боја на половите органи и оставање отисоци на хамери. Премиерот Зоран Заев прашан за скандалот со извидничкиот камп кој имал сексуална конотација вели дека прв пат слушнал за скандалозниот камп. <br /> <br />Организатори на извидничкиот камп се Првиот скопски извиднички одред – денеска повторно молк од нивна страна. Претходно, преку соопштение, Сојузот на извидници на Македонија се огласија со став дека го суспендирале ПСИО од нивниот Сојуз. <br /> <br />За овој скандал, ВМРО-ДПМНЕ го обвини актуелниот градоначалник Петре Шилегов дека го финансирал кампот и Првиот скопски извиднички одред, тој пак ги отфрли сите обвинувања и го раскина договорот со Одредот.
