Психолозите предупредуваат дека насилство не смее да биде метод за воспитување, осуда за случајот и од Меѓаши <br /> <br />Истражните органи испитуваат зошто наставникот во петокот физички го малтретирал седмоодделенец во ОУ „Панајот Гиновски“ во скопски Бутел. Во полициска станица покрај наставникот по англиски на разговор биле повикани и класниот раководител, директорката, детето и родителите. <br /> <br />За првата детска амбасада Меѓаши не дозволиво е вакво нешто да се случува во училиштата. <br /> <br />- Апсолутно не го подржуваме овој начин на воспитување на децата ни психолошки, ни педагошки. Во секој случај треба условите во кои живееме и работиме и односот кон нашите деца треба да биде на ниво, изјави Мимоза Костоска, дежурен волонтер на СОС линијата на Прва детска амбасада Меѓаши / First Children's Embassy Megjashi <br /> <br />Психолозите се категорични дека насилство посебно физичко врз децата не треба воопшто да постои, не само во образованието туку и во секојдневието. <br /> <br />- Замислете пред цело одделение едно момче кое се развива, влегува во пубертет, а и пред тоа, кое е првото чувство кога некој ќе му удри шамар? – Пониженост, и нешто што детето никогаш нема да го заборави. Што и да направил ученикот не заслужил да биде физички казнет, и никој на планетата не заслужува физичко насилство, вели психологот Мирјана Јовановска Стојановска. <br /> <br />Од друга страна психологот вели дека ова треба да биде и повод да се испита и односот кон наставниците и за условите во кои работат посебно во оваа пандемија со Ковид и сите реформи во образованието кои мора да ги спроведуваат. <br /> <br />- Верувам дека овој човек работи под голем стрес поради се што се случи. Треба да го испитаме и нашиот однос кон наставниците, но во секој случај вакво нешто не би требало да се случи повеќе, рече психологот Јовановска Стојановска. <br /> <br />Видеото на кое се гледа како наставникот по англиски му удира шлаканици на седмоодделенецот е снимено од соученик на детето и во петокот попладне беше објавено на социјалната мрежа Тик Ток.
