ТЕПАЊЕТО НА ДЕТЕ ОД СТРАНА НА НАСТАВНИК Е НЕДОЗВОЛИВО И ОСТАВА ТРАУМИ ВО МЕМОРИЈАТА НА ДЕЦАТА <br />Тамара Дичоска нед, 24.10.2021 <br />21. век, ученици трпат физичко насилство од страна на наставниците во училиште - средина каде децата треба да се чуствуваат безбедно. <br /> <br />За вознемирувачкото видео каде наставник удира седмооделенец, па го крева и спушта на земја пред целото одделение во О.У „Панајот Гиновски“ во населба Бутел, социолозите велат дека таквите наставници треба да бидат надвор од образовниот процес. <br /> <br />Настанот остро го осудија и од Прва детска амбасада Меѓаши / First Children's Embassy Megjashi. Педагозите се луѓе коишто треба да им укажуваат други доблести на учениците, а не врз нив да вршат физичко насилство велат оттаму. <br /> <br />Социолозите предупредуваат дека ваквото насилство врз учениците негативно ќе влијае врз нивниот натамошен психолошко-емоционален развој. Потребна е национална стратегија за борба против ваквото насилство. <br /> <br />Утре дисциплинската комисија ќе одлучува како ќе постапи за односот на наставникот кон ученикот, соопшти директорката на училиштето. <br /> <br />Случајот е пријавен во МВР каде беа сослушувани лица поврзани со инцидентот, а известен е и Јавниот обвинител. <br /> <br />Согласно Законот за основно образование секој вработен во училиштето е должен да се грижи за најдобриот интерес на ученикот и да го почитува неговото достоинството, како и Конвенцијата за правата на детето. Забрането е телесно, психичко и сексуално малтретирање и казнување на ученикот и понижувачко однесување и постапување кон него.
