ఆంధ్రప్రదేశ్లో జగన్ సర్కారుపై జనసేన పార్టీ అధినేత పవన్ కళ్యాణ్ ఓ రేంజ్లో ఫైరయ్యారు. ముఖ్యమంత్రి వైఎస్ జగన్మోహన్ రెడ్డి తన ఆర్థిక మూలాలు దెబ్బతీయాలని చూస్తున్నారని సంచలన వ్యాఖ్యలు చేశారు. ‘‘పంతానికి దిగితే ఆంధ్రప్రదేశ్లో నా సినిమాలు ఉచితంగా చూపిస్తా.’’ అంటూ పవన్ సంచలనం రేపారు. విశాఖపట్నం స్టీల్ ప్లాంట్ కార్మికులు, భూ నిర్వాసితులకు మద్దతుగా ఆదివారం మంగళగిరిలోని పార్టీ కార్యాలయంలో జనసేన అధినేత పవన్ కళ్యాణ్ చేపట్టిన ఒక రోజు దీక్ష ముగిసింది. పార్టీ నేతలు ఆయనకు నిమ్మరసం ఇచ్చి దీక్ష విరమింపజేశారు. ఈ సందర్భంగా పవన్ కళ్యాణ్ మాట్లాడుతూ.. జగన్ సర్కారుపై ఓ రేంజ్లో ఫైరయ్యాయి.తెలుగు సినిమా పరిశ్రమను దెబ్బకొట్టడం ద్వారా తన ఆర్థిక మూలాలు దెబ్బకొట్టాలని చూస్తున్నారని ఆరోపించారు. తన సినిమాలు ఆపేసి.. ఆర్థికంగా దెబ్బతీయాలని భావిస్తున్నారని చెప్పారు. ఏపీలో తన సినిమాలు ఆపేసినా భయపడబోనని వెల్లడించారు. పంతానికి దిగితే ఆంధ్రప్రదేశ్లో తన సినిమాలు ఉచితంగా చూపిస్తానని వెల్లడించారు. సినిమా టికెట్లకు పారదర్శకత లేదంటున్నారని.. మీరు అమ్మే మద్యానికి పారదర్శకత ఉందా? అని ప్రశ్నించారు.
