Një luftë e madhe mes Rusisë dhe Ukrainës veç sa nuk ka filluar. Rusia mohon pretendimet për pushtimin e Ukrainës por ushtria e Putinit tashmë është stacionuar në kufinjtë e shtetit fqinj. Kjo ishte edhe arsyeja e takimit virtual mes presidentit amerikan Joe Biden dhe atij rus Vlladimir Putin. <br /><br />Popullata në Ukrainë është e ndarë sa i përket përcaktimit strategjik të shtetit, pra një pjesë kërkon anëtarësimin në NATO dhe në BE e pjesa tjetër rivendosjen e lidhjeve me Rusinë. Ukraina, sa më afër NATO-s, aq më afër pushtimit nga Rusia. <br /><br />Realisht problemi nuk qëndron te një copë toke që do donte ta merrte Rusia nga Ukraina, por përmes kërcënimit për luftë tenton ta mbajë larg kufijve të vet NATO-n dhe Perëndimin. Ky nuk është mjeti I vetëm që Putin ia tregon muskujt Perëndimit. Realisht ndalja e çezmes së gazit është kërcënimi më I madh për Europën e tërë. <br /><br />Sipas ekspertëve, përzierja e Rusisë në Ballkan përmes disa shteteve të caktuara sllave dhe figurave të eksponuara, bëhet vetëm për të ngadalësuar integrimet euroatlantike në një kohë të pacaktuar. <br /><br />Avdi Bakiu /https://shenja.tv/category/emisione/bota-ne-fokus/
