एके काळी पुणे हे सायकलींचे शहर म्हणून प्रसिद्ध होते. जशी शहराची व्याप्ती वाढत गेली, तसं शहरात मोटर वाहने वाढायला सुरुवात झाली आणि २ पेडेल ची सायकल धूळ खात पडायला लागली. पुणेकरांनी मोटर सायकल ला पसंती दिली आणि पुणे आता मोटार सायकलींचे शहर म्हणून ओळखले जाते.<br /><br />अश्यातच सायकलिंग हे कुठल्या वयावर आणि इतर गोष्टींवर अवलंबून नसून मानसिकतेवर अवलंबून आहे, असे पुण्यातील हे साठीपार असलेले तरुण सांगतायत. संजय कट्टी व विजय हिंगे यांनी कोलकत्ता ते कन्याकुमारी असा २९०० किमी चा प्रवास अवघ्या २५ दिवसात पार केला.<br /><br />स्वामी विवेकानंद जयंतिनिमित्ताने पुण्यातील यंग सिनियर्स या सायकल क्लबच्या या दोन सदस्यांनी ही मोहीम पूर्ण केली. १३ डिसेंबरला हावरापासून मोहीम सुरू केली. मोहिमेअंतर्गत पूर्व किनारपट्टीच्या बाजूने उत्तर- दक्षिण असे दोघांनी २९०० किलोमीटर अंतर २५ दिवसांत पार केले. म्हणजे सरासरी रोज ११५ किमी अंतर पार केले.<br /><br />मोहिमेचा मार्ग पश्चिम बंगाल, ओडिशा, आंध्र प्रदेश, तमिळनाडू - कन्याकुमारी असा होता. यंग सिनियर्स हा उत्साही सायकलप्रेमींचा ग्रुप आहे. ग्रुपचे सर्व सदस्य ज्येष्ठ नागरिक आहेत.<br />#cycling #cycle #health #kolkatatokanyakumari #cycletour
