वाशिम जिल्ह्यातल्या अडान नदीच्या कुशीत असलेल्या खिर्डा गावाचा हा रस्ता पाहा. गावाला जायला पक्का रस्ताच नसल्यामुळे तेथील ग्रामस्थांना अनेक समस्यांना सामोरं जावं लागतंय. रस्त्याअभावी खिर्डा गावाच्या ७० ग्रामस्थांसह तीन लहान विद्यार्थ्यांची कुचंबणा सुरु आहे. गावातील विद्यार्थ्यांना दररोज शाळेत जाण्यासाठी हा प्रवास करावा लागतोय. पावसाळ्यात आणि उन्हाळ्यात तर हा प्रवास अधिकच जिकिरीचा होऊन बसतो. अशावेळी जीव मुठीत घेऊन ही वाट गावकऱ्यांना पार करावी लागते. आमच्या गावात आतापर्यंत कुठलीही सरकारी योजना आलेली नाही. जिल्ह्यातील लोकप्रतिनिधी मतदान वगळता गावाच्या विकासाकडे कधीच लक्ष देत नाहीत. शासनाच्या घरकुल योजनेचा लाभ अद्यापही खर्डा ग्रामस्थांना मिळाला नाही. गावात पायाभूत सुविधांचांच अभाव असल्यामुळे प्रचंड त्रास सहन करावा लागत आहे. आमची रस्त्याची पायपीट थांबावी एवढीच या ग्रामस्थांची प्रशासनाकडे मागणी आहे.
