ముల్లోకాలకు వెలుగులు పంచే సూర్య భగవానుడు అరసవల్లిలో బాలాదిత్యుడై.. పాలాదిత్యుడై దర్శనమిచ్చాడు. తన పుట్టిన రోజు సందర్భంగా సోమవారం అర్ధరాత్రి క్షీరధారలతో స్నాన మాడి భక్తుల్లో రథ సప్తమి ఉత్సవ ఉత్సాహాన్ని నింపాడు. తూరుపు తేజపు వెలుగుల వేలుపు నిజరూప దర్శనంతో భక్తకోటి పులికించిపోయింది.అర్ధరాత్రి 12.15: నిమిషాల నుండి స్వామి వారి ఉత్సవాలు ప్రారంభమయ్యాయి స్వామివారికి పట్టువస్త్రాలు సమర్పించారు<br /><br />అరసవల్లి ఆదిత్యుని క్షీరాభిషేకం సందర్భంగా.. సోమవారం అర్ధరాత్రి నుంచే భక్తులు పోటెత్తారు. ప్రభుత్వం తరఫున ఆలయ పాలక మండలి సభ్యులు స్వామి వారికి పట్టువస్త్రాలు సమర్పించారు. డిప్యూటీ సీఎం ధర్మాన కృష్ణదాస్ తొలి అభిషేక సేవలో పాల్గొన్నారు. స్పీకర్ తమ్మినేని సీతారాం, జడ్పీ చైర్ పర్సన్ విజయ తదితరులు స్వామి వారిని దర్శించుకున్నారు.
