अमरावती शहरातील डॉ. बाबासाहेब आंबेडकर विद्यालयातील शिक्षक आणि विद्यार्थ्यांनी छत्रपती शिवाजी महाराजाच्या जयंती निमित्त शिवरायांना अनोखी मानवंदना दिली आहे. 55 फुट लांब आणि 10 फुट रूंद भव्य अशी तलवार तयार करण्यात आली आहे. 1 क्विंटल 10 किलोची तलवार रूपी कलाकृती तयार करण्यासाठी विविध वस्तुचा वापर केला आहे. कागदाच्या लगद्यापासून तयार केलेली ही प्रतिकृती विद्यार्थ्यांनी 18 दिवसांत साकारली आहे. या तलवारीवर शिवकालीन शिवसृष्टी साकारण्यात आली आहे. यात शिवरायांच्या आभूषणांची मांडणी केली आहे. त्यावर राजमाता जिजाऊ यांची चंद्रकोर, शिवपिंड, जिरे टोप, मावळा टोपी, किल्ला ध्वज दाखवण्यात आला आहे. विविध शिवकालीन आभुषणांसह या तलवारीवर सर्वांचे प्रतिक म्हणून राजमुद्रा अंकीत केली आहे.
