जे का रंजले गांजले, त्यासि म्हणे जो आपुलें, तो चि साधु ओळखावा, देव तेथें चि जाणावा हा संत तुकारामांचा अभंग सर्वांनाच ध्यानात असेल. याच अभंगाला स्मरुन माणसात देव शोधण्याचा प्रयत्न केलाय जळगाव जिल्ह्यातील सु-लक्ष्मी सेवाभावी संस्था आणि माणुसकी गृपने. समाजातील दुर्लक्षित आणि निराधार मनोरुग्णांना एकत्र करित त्यांना नवीन कपडे परिधान करुन माणुसकीचा अनोखा सेवाधर्म जोपासलाय. एका वेळेची भूक भागवण्यासाठीची धडपड सुरु असताना कोणते कपडे आणि कशाची स्वच्छता... जळगाव जिल्ह्यातील रेल्वे स्टेशन, बस स्थानक यासह शासकीय रूग्णालय आणि परिसरात निराधार लोकांनी तसेच मनोरुग्णांनी उघड्यावर वास्तव्य केलंय. सु लक्ष्मी सेवाभावी संस्थेने अशा लोकांना मदत जगण्याची नवीन उमेद निर्माण केलीयं. तसेच २०० हून अधिक महिल मनोरुग्णांना येरवाडा जेल मध्ये सुधारणेसाठी पाठवण्यात आलयं. धावपळीच्या युगात घड्याळ्याकडे बघून चालणाऱ्या सुशिक्षित लोकांना मनोरुग्ण आणि निराधार लोकांकडे लक्ष द्यायला वेळ नसतो. परंतु याच कार्यातून सु-लक्ष्मी सेवाभावी संस्थेने माणुसकीचे दर्शन घडवत सर्वांसमोरच आदर्श ठेवलायं.
