తెలంగాణలో ముందస్తు ఎన్నికలు వచ్చే అంశంపై ఊహాగానాలు కొనసాగుతుండగా.. అలంపూర్ ఎమ్మెల్యే అబ్రహం కీలక వ్యాఖ్యలు చేశారు. ముఖ్యమంత్రి కేసీఆర్ బీజేపీపై పోరాడేందుకు పూర్తి స్థాయిలో సిద్ధమయ్యారని, జాతీయ స్థాయిలోనూ బీజేపీకి వ్యతిరేకంగా పోరాడేందుకు అందరినీ ఏకం చేసే ప్రయత్నాలు చేస్తున్నారని చెప్పుకొచ్చిన డాక్టర్ అబ్రహం.. ఇందులో భాగంగా ముందస్తు ఎన్నికలకు వెళ్లే ఆలోచన చేస్తున్నారని అన్నారు.
