గుంటూరు జిల్లా తాడేపల్లి మండలం ఇప్పటంలో జనసేన అధినేత పవన్ కళ్యాణ్ చిత్రపటానికి స్థానికులు పాలాభిషేకం చేశారు. ఇప్పటం పేరును రాష్ట్రస్థాయిలో గుర్తింపు తెచ్చినందుకు కృతజ్ఞతలు తెలిపారు. జనసేన ట్రస్ట్ ద్వారా గ్రామానికి రూ.50 లక్షల విరాళం ఇచ్చినందుకు రుణపడి ఉంటామంటూ ధన్యవాదాలు తెలిపారు. కమిటీగా ఏర్పడి ఈ నిధులను గ్రామం లోని అభివృది పనులకు కేటాయిస్తామని తెలిపారు. ఈ గ్రామానికి రూ.50 లక్షల విరాళం కేటాయించి పవన్ కళ్యాణ్ ప్రేమతో ఓట్లు అడిగే విధానానికి నాంది పలికారని జనసేన పార్టీ నేత చిల్లపల్లి శ్రీనివాసరావు అన్నారు.
