પાટીદાર અગ્રણી અને ખોડલધામ ટ્રસ્ટના ચેરમેન નરેશ પટેલના કોંગ્રેસમાં જોડવા અંગે સસ્પેન્સ યથાવત છે. નરેશ પટેલના કોંગ્રેસમાં જોડાવાની અટકળો વચ્ચે ખોડલધામ ટ્રસ્ટના પ્રવક્તા હસમુખ પટેલનું મોટું નિવેદન સામે આવ્યું છે. <br /> <br />ખોડલધામ ટ્રસ્ટના પ્રવક્તાએ નરેશ પટેલના કોંગ્રેસમાં જોડાવાની વાતને ખોટી ગણાવી છે. આ સાથે જ હસમુખ પટેલે જણાવ્યું કે, હાલ સર્વે ચાલી રહ્યો છે, જે પૂર્ણ થયા બાદ જ જાહેરાત કરવામાં આવશે. હાલ નરેશ પટેલનું કોંગ્રેસમાં જોડાવાનું નક્કી નથી.
