వరంగల్ జిల్లాలో ఘోర అగ్ని ప్రమాదం చోటు చేసుకుంది. గీసుకొండ మండలం ధర్మారం పరిధిలోని టెస్కో గోదాంలో మంటలు చెలరేగాయి. దీంతో గోదాంలోని దుస్తులు, బెడ్ షీట్లు, కార్పెట్లు వంటి ఉత్పత్తులన్నీ దగ్ధమయ్యాయి. ఫైర్ ఇంజన్లు చేరుకునేలోపే మంటలు పూర్తిగా వ్యాపించాయి. ఓ దశలో మంటలు విజృంభించడంతో మరిన్ని ఫైరింజన్లను రప్పించారు. ఈ ఘటనలో రూ.40 కోట్ల వరకు ఆస్తి నష్టం జరిగినట్లు అధికారులు అంచనా వేస్తున్నారు.
