છેલ્લા 24 કલાકમા રાજ્યના 105 તાલુકાઓમા વરસાદ ખાબક્યો છે. જેમાં છેલ્લા 24 કલાકમા સૌરાષ્ટ્રમા વરસાદી માહોલ જામ્યો છે. તેમાં જુનાગઢ જિલ્લાના માણાવદર તાલુકામા સૌથી <br /> <br />વધુ 3 ઈંચ વરસાદ આવ્યો છે. તેમજ અમરેલી જિલ્લાના ખાંભા તાલુકામા અઢી ઈંચ વરસાદ થયો છે. <br /> <br />ભારે વરસાદના કારણે રોડ પર નદીઓ વહેતી થઇ <br /> <br />ઉલ્લેખનીય છે કે પોરબંદરના રાણાવાવ તાલુકામા 2 ઈંચથી વધુ વરસાદ થયો છે. તથા અમરેલી જિલ્લાના સાવરકુંડલા તાલુકામા 2 ઈંચ વરસાદ ખાબક્યો છે. તેમજ અન્ય 8 તાલુકામા <br /> <br />એકથી દોઢ ઈંચ વરસાદ થયો છે. તેમજ વલસાડ, નવસારી, તાપી, ડાંગમાં અતિભારે વરસાદની આગાહી છે. સૌરાષ્ટ્રના મોટા ભાગના પંથકમાં એક વરસાદ પડી જવાના કારણે ખેડૂતોમાં <br /> <br />ખુશીનો માહોલ છે. જો કે જૂનાગઢના અનેક તાલુકાઓમાં ભારે વરસાદના કારણે રોડ પર નદીઓ વહેતી થઇ હતી. તો બીજી તરફ ઉપરવાસમાં પડેલા વરસાદના કારણે શેત્રુંજી ડેમમાં <br /> <br />પાણીની આવક શરૂ થઇ છે. ચોમાસાની શરૂઆતે જ ડેમમાં પાણી આવક થતા ડેમની સપાટી 20.9 ફુટે પહોંચી ગઇ હતી. <br /> <br />તલોદ સહિતના વિસ્તારોમાં પણ વરસાદી ઝાપટા પડ્યા <br /> <br />આ ઉપરાંત છોટાઉદેપુરના ક્વાંટ, કુતિયાણા, પોરબંદર, બોડેલી, નખત્રાણા, કપરાડા, મહુવા, ખંભાત અને વડિયા તાલુકામાં એકથી ડોઢ ઇંચ વરસાદ પડ્યો હતો. તેમજ વરસાદની એન્ટ્રીના <br /> <br />પગલે ખેડૂતોમાં ખુશીનો માહોલ જોવા મળી રહ્યો છે. સૌરાષ્ટ્રના તળાજા, વેરાવળ, બગસરા, મુન્દ્રા, પારડી, લિલિયા, ભેસાણ, જેતપુર, માંડવી, ડાંગ, લાલપુર, સુત્રાપાડા, ડેસર, અમરેલી, <br /> <br />પાલિતાણા, અંજાર, ડભોઇ, વિસનગર અને તલોદ સહિતના વિસ્તારોમાં પણ વરસાદી ઝાપટા પડ્યા હતા.
