ઉદયપુરની ઘટનાના પડઘા બનાસકાંઠામાં પડ્યા છે. જેમાં રાજસ્થાન સરહદને અડીને આવેલું પાંથાવાડામાં બંધનું એલાન આપવામાં આવ્યું છે. તેમજ બંધના એલાનને પગલે પાંથાવાડાના <br /> <br />બજારો બંધ છે. તથા વેપારીઓ દ્વારા રેલી કાઢી હત્યારાઓને ફાંસીની સજા આપવા માગ કરવામાં આવી છે. <br /> <br />રાજસ્થાન તરફ જતી તમામ એસટી બસો બંધ કરાઈ <br /> <br />ઉલ્લેખનીય છે કે સમગ્ર ગામમાં ચુસ્ત પોલીસ બંદોબસ્ત ગોઠવાયો છે. તેમજ રાજસ્થાન તરફ જતી તમામ એસટી બસો બંધ કરાઈ છે. તથા ગામમાં કાયદો વ્યવસ્થા ન ખોરવાય તેને લઈ <br /> <br />પોલીસ એલર્ટ મોડમાં છે. તેમજ પાંથાવાડા ગામ રાજસ્થાનને અડીને આવેલું છે. <br /> <br />જાણો સમગ્ર મામલો: <br /> <br />28 જૂનની બપોરે કનૈયાલાલ ઉદયપુરના ધાનમંડી વિસ્તારમાં આવેલી પોતાની દુકાન પર ટેલરિંગ કામ કરી રહ્યાં હતા. ત્યારે અચાનક મોહમ્મદ રિયાઝ અને મોહમ્મદ ગૌસ કપડા <br /> <br />શિવડાવવાના બહાને પહોંચ્યા અને કનૈયા આ પૈકીના એક વ્યક્તિનું માપ લઈ રહ્યો હતો. બીજાએ તેની પર એક મોટા છરાથી હુમલો કર્યો અને કનૈયાલાલનું ગળું કાપી નાખ્યું હતું. <br />હત્યારાઓએ હત્યાનો વીડિયો પણ બનાવ્યો અને તેને સોશિયલ મીડિયામાં પોસ્ટ કરીને હત્યાની જવાબદારી લીધી અને તેને ઈસ્લામનું અપમાનનો બદલો લેવાની કાર્યવાહી ગણાવી. એટલું <br /> <br />જ નહિ તેમણે વડાપ્રધાન નરેન્દ્ર મોદીને પણ ધમકી આપી છે. <br /> <br />28 જૂનની સાંજે ઉદયપુરમાં તાલિબાની સ્ટાઈલથી ટેલરની હત્યા કરનાર આરોપી ગૌસ મોહમમ્દ અને રિયાઝ જબ્બર 170 કિમી દૂર રાજસમંદ જિલ્લાના ભીમ વિસ્તારમાંથી પકડાયા હતા. <br /> <br />બંનેએ ભાગવાની સંપૂર્ણ કોશિશ કરી, જોકે અંતે પોલીસે પાથરેલી જાળમાં તે ફસાઈ ગયા. હત્યારાઓના પકડાઈ જવાનો એક વીડિયો બહાર આવ્યો છે.
