SYUKUR - Husni Almuna<br /><br />Kön bak ta ariet tubeè nyang patah.<br />Kön bak nyang taplah ka beukah ija.<br />Ta meuheut hasé padé si amah.<br />Malah meuteumeung si gunca.<br /><br />Niêt ta jeumeurang laöt nyang luwah.<br />Peurahö patah hana meudaya.<br />Kön han geu sayang tanyoê lé allah.<br />Hikmah hantôm tanyoê kira.<br /><br />•••<br />Kadang meunyô geubri leubèh.<br />Kiban keuh alèh tanyoê lam dönya.<br />Geujök pangkat ngön jabatan.<br />Ban fir'un kadang taduêk kuasa.<br /><br />Kadang meunyö kaya tanyoê.<br />Jeut keugeunantoê qarun durjana.<br />Geupeulagak bacut ruman.<br />Kadang ngön nyan toê ngön nuraka.<br /><br />Beu ta syukö nyang bri tuhan.<br />Walaupun nyan kön lageè tahawa.<br /><br />Kön bak ta ariet tubeè nyang patah.<br />Kön bak nyang taplah ka beukah ija.<br />Ta meuheut hasé padé si amah.<br />Malah meuteumeung si gunca.<br /><br />Mata teuh na ngön ta pandang.<br />Neukalön kiban ureung nyang buta.<br />Gaki timang bak ta langkah.<br />Kiban keuh susah ureuêng nyang cidra.<br /><br />Taéh di ateuh panteuê triêng.<br />neungiêng dièh meutika hana.<br />Rumöh kayeè ken ngön busoê.<br />Saudara tanyoê meu rumöh hana.<br /><br />Beu ta syukö nyang bri tuhan.<br />Walaupun nyan kön lageè ta damba.<br /><br />Kilat seumeulhöh bak ujöng laöt.<br />Teuka ujeun rhöt deungön geulanteuê.<br />Nyang kaleuh geubri jaga bek lupöt.<br />Taköt geu caböt si peuê peuê<br /><br />#syukur #laguaceh #husnialmuna
