ભારતની બેડમિન્ટન સ્ટાર પીવી સિંધુએ સિંગાપોર ઓપન 2022માં ટાઈટલ જીતી લીધું છે. બે વખતની ઓલિમ્પિક મેડલ વિજેતા પીવી સિંધુએ ફાઇનલમાં ચીનની વાંગ જી યીને 21-9, 11-21, 21-15થી પરાજય આપ્યો હતો. <br />આ પહેલા વિશ્વની નંબર-7 બેડમિન્ટન સ્ટાર પીવી સિંધુએ સેમીફાઈનલમાં જાપાનની બિનક્રમાંકિત સાઈના કાવાકામીને સીધા સેટમાં હરાવી હતી. સિંધુએ આસાનીથી 21-15, 21-7ના અંતરથી સેમિફાઇનલ જીતી લીધી હતી. જાપાની સ્ટાર કાવાકામી એકવાર પણ સિંધુને બીટ કરી શકી ન હતી.
