ગુજરાતના બોટાદ જિલ્લામાં સર્જાયેલા લઠ્ઠાકાંડમાં અત્યાર સુધીમાં 35 લોકો મોતને ભેટી ચૂક્યા છે. હજુ પણ મોતનો આંકડો વધવાની આશંકા સેવાઈ રહી છે. બીજી તરફ રાજ્યના મોટાભાગના જિલ્લાઓમાં પોલીસના નાક નીચે જ દેશી દારુની હાટડીઓ ધમધમતી હોવાના અહેવાલ છે. રાજ્યના શહેરની શેરીઓથી માંડીને ગામની ગલીઓ સુધી દારુનું વેચાણ થઈ રહ્યું છે. ખુદ જાગૃત નાગરિકો આ બાબતે પોલીસને જાણકારી આપતી હોવા છતાં કોઈ કાર્યવાહી કરવામાં આવતી નથી. જેના કારણે બુટલેગરો બેફામ બની રહ્યાં છે.
