ਕੈਨੇਡਾ 'ਚ ਟਰੱਕ ਹਾਦਸੇ 'ਚ ਤਰਨ ਤਾਰਨ ਦੇ ਨੌਜਵਾਨ ਦੀ ਮੌਤ

ਤਰਨ ਤਾਰਨ ਦੇ ਰਹਿਣ ਵਾਲੇ ਰਿਸ਼ਭ ਦੇ ਮਾਪਿਆਂ ਦੇ ਉਸ ਵੇਲੇ ਪੈਰਾਂ ਥੱਲੋਂ ਜਮੀਨ ਨਿੱਕਲ ਗਈ ਜਦੋ ਉਹਨਾਂ ਦੇ ਪੁੱਤ ਰਿਸ਼ਭ ਦੇ ਦੋਸਤਾਂ ਨੇ ਅੱਧੀ ਰਾਤ ਨੂੰ ਫੋਨ ਕਰਕੇ ਉਹਨਾਂ ਦੇ ਬੇਟੇ ਦੀ ਮੌਤ ਦੀ ਖ਼ਬਰ ਦਿੱਤੀ I 26 ਸਾਲਾ ਰਿਸ਼ਬ ਕਰੀਬ 5-6 ਸਾਲ ਤੋਂ ਕੈਨੇਡਾ ਵਿੱਚ ਰਹਿ ਰਿਹਾ ਸੀ, ਅਤੇ ਟਰੱਕ ਚਲਾਉਂਦਾ ਸੀ I ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਉਹ ਟਰੱਕ 'ਤੇ ਮੋਨਟਰਿਅਲ ਜਾ ਰਿਹਾ ਸੀ I ਅਚਾਨਕ ਉਸ ਦੇ ਟਰੱਕ 'ਚ ਕੋਈ ਪੱਥਰ ਲੱਗਾ ਤੇ ਟਰੱਕ ਨੂੰ ਅੱਗ ਲੱਗ ਗਈ I ਅੱਗ ਜਿਆਦਾ ਹੋਣ ਕਰਕੇ ਰਿਸ਼ਭ ਨੂੰ ਬਚਣ ਦਾ ਮੌਕਾ ਹੀ ਨਹੀਂ ਮਿਲਿਆ ਤੇ ਵਿਚ ਹੀ ਸੜ ਕੇ ਸਵਾਹ ਹੋ ਗਿਆ I