હવામાન વિભાગે ગુજરાતમાં આગામી 2 દિવસ સુધી ભારે વરસાદની આગાહી કરી છે, ત્યારે આજે રાજકોટમાં વરસાદી માહોલ છવાયા બાદ મોડી સાંજે ધોધમાર <br /> <br />વરસાદ તૂટી પડ્યો હતો. અડધા કલાકમાં વરસેલા અડધા ઈંચ વરસાદના પગલે શહેરના નીચાણવાળા વિસ્તારોમાં જળબંબાકાર જેવી સ્થિતિ સર્જાઈ હતી. <br /> <br />ભૌગોલિક રીતે નીચાણવાળા ગણાતા ઇન્દ્રપ્રસ્થ નગરના ગરનાળામાં પાણી ભરાતા વાહન ચાલકોને ખાસ્સી એવી હાલાકીનો સામનો કરવો પડ્યો હતો. અડધા કલાક <br /> <br />વરસેલા વરસાદને પગલે પછાત વિસ્તારોમાં તેમજ પાણી નીકાલની વ્યવસ્થા વગર બનેલા ડિવાઈડર વાળા રસ્તા ઉપર નદીઓ વહેતી હોય તેવા દ્રશ્યો સર્જાયેલા <br /> <br />જોવા મળ્યા હતા.
