અમદાવાદીઓને નવરાત્રિમાં બે ભેટ સરકાર તરફથી મળવા જઇ રહી છે. જેમાં એક મેટ્રો ટ્રેન જેના બે રૂટ પ્રથમ નવરાત્રિએ શરૂ થઇ જશે. તથા અમદાવાદ-મુંબઈ વચ્ચે સેમી હાઇસ્પીડ ટ્રેન <br /> <br />વંદે ભારત એક્સપ્રેસ ટ્રેનની ભેટ મળશે. દેશની ત્રીજી વંદે ભારત એક્સપ્રેસ ટ્રેન નવરાત્રિમાં અમદાવાદ-મુંબઈ વચ્ચે દોડતી થાય એની તૈયારીના ભાગરૂપે આજે સવારે કાલુપુર રેલવે <br /> <br />સ્ટેશનથી વંદે ભારત એક્સપ્રેસ ટ્રેનનો ટ્રાયલ રન કરવામાં આવ્યો હતો. <br /> <br />આ ટ્રેનનું ભાડું તેજસ કરતા ઓછું રહેશે <br /> <br />ઉલ્લેખનીય છે કે અમદાવાદ-મુંબઈનું વચ્ચેનું 491 કિમીનું અંતર આ ટ્રેન 6 કલાકમાં પૂરું કરશે. તેમજ ટ્રેનમાં ચેરકાર અને એક્ઝિક્યુટિવ ચેરકાર સીટ હશે. તથા આ ટ્રેનનું ભાડું શતાબ્દીથી <br /> <br />સામાન્ય વધુ અને તેજસ કરતા ઓછું રહેશે. ટ્રેનને 130 કિમીની ઝડપે દોડાવીને ટ્રાયલ રન કરવામાં આવ્યો છે. ટ્રાયલ રન દરમિયાન વડોદરા સ્ટેશન પર હોલ્ટ લીધા બાદ સીધી મુંબઈ <br /> <br />ખાતે આ ટ્રેન ઊભી રહેશે. <br /> <br />સુરત ખાતે આ ટ્રેનનું કોમર્શિયલ સ્ટોપેજ અપાયું <br /> <br />વંદે ભારત એક્સપ્રેસ ટ્રેન 180થી 200 કિલોમીટર પ્રતિ કલાકની ઝડપે દોડવાની ક્ષમતા ધરાવે છે. આજે ટ્રાયલ સફળ થયા બાદ નવરાત્રિમાં આ ટ્રેન અમદાવાદ મુંબઈ વચ્ચે શરૂ થાય <br /> <br />એવી પૂરી શક્યતા છે. આરામદાયક સુવિધાથી સજ્જ આ વંદે ભારત સપ્તાહમાં 6 દિવસ દોડશે. અમદાવાદ- મુંબઈનું ભાડું રૂ.3500 હશે. અમદાવાદથી સવારે 7.25 વાગે ઊપડી બપોરે <br /> <br />13.30 વાગે મુંબઈ પહોંચશે, જ્યારે મુંબઇથી આ ટ્રેન બપોરે 14.40 વાગે ઊપડી રાતે 21.05 વાગે અમદાવાદ પહોંચશે. સુરત ખાતે આ ટ્રેનનું કોમર્શિયલ સ્ટોપેજ અપાયું છે.
