Sahih Bukhari Hadees No.63 | Hadees Nabvi in Urdu | Bukhari Hadees | Bukhari Shareef in Urdu , Beauty Of NatureAR<br /><br />صحیح البخاری حدیث نمبر 63<br /><br />ایک بار ہم مسجد میں نبی کریم صلی اللہ<br />علیہ وسلم کے ساتھ بیٹھے ہوئے تھے، اتنے<br />میں ایک شخص اونٹ پر سوار ہو کر آیااور<br />اونٹ کو مسجد میں بٹھا کر باندھ دیا۔ پھر<br />پوچھنے لگا ( بھائیو ) تم لوگوں میں محمد<br />( صلی اللہ علیہ وسلم ) کون سے ہیں۔ نبی<br />کریم صلی اللہ علیہ وسلم اس وقت لوگوں<br />میں تکیہ لگائے بیٹھے ہوئے تھے۔ ہم نے کہا محمد<br />( صلی اللہ علیہ وسلم ) یہ سفید رنگ والے<br />بزرگ ہیں جو تکیہ لگائے ہوئے تشریف فرما ہیں۔<br />تب وہ آپ سے مخاطب ہوا کہ اے عبدالمطلب<br />کے فرزند! آپ صلی اللہ علیہ وسلم نے فرمایا۔<br />کہو میں آپ کی بات سن رہا ہوں۔ وہ بولا میں<br />آپ صلی اللہ علیہ وسلم سے کچھ دینی باتیں<br />دریافت کرنا چاہتا ہوں اور ذرا سختی سے بھی<br />پوچھوں گا تو آپ اپنے دل میں برا نہ مانئے گا۔<br />آپ صلی اللہ علیہ وسلم نے فرمایا نہیں جو<br />تمہارا دل چاہے پوچھو۔ تب اس نے کہا کہ میں<br />آپ کو آپ کے رب اور اگلے لوگوں کے رب تبارک<br />وتعالیٰ کی قسم دے کر پوچھتا ہوں کیا آپ کو<br />اللہ نے دنیا کے سب لوگوں کی طرف رسول بنا<br />کر بھیجا ہے۔ آپ صلی اللہ علیہ وسلم نے فرمایا<br />ہاں یا میرے اللہ! پھر اس نے کہا میں آپ صلی<br />اللہ علیہ وسلم کو اللہ کی قسم دیتا ہوں کیا اللہ<br />نے آپ صلی اللہ علیہ وسلم کو رات دن میں پانچ<br />نمازیں پڑھنے کا حکم فرمایا ہے۔ آپ صلی اللہ علیہ<br />وسلم نے فرمایا ہاں یا میرے اللہ! پھر کہنے لگا میں<br />آپ کو اللہ کی قسم دے کر پوچھتا ہوں کہ کیا اللہ<br />نے آپ کو یہ حکم دیا ہے کہ سال بھر میں اس<br />مہینہ رمضان کے روزے رکھو۔ آپ صلی اللہ علیہ<br />وسلم نے فرمایا ہاں یا میرے اللہ! پھر کہنے لگا میں<br />آپ صلی اللہ علیہ وسلم کو اللہ کی قسم دے کر<br />پوچھتا ہوں کہ کیا اللہ نے آپ کو یہ حکم دیا ہے<br />کہ آپ ہم میں سے جو مالدار لوگ ہیں ان سے<br />زکوٰۃ وصول کر کے ہمارے محتاجوں میں بانٹ<br />دیا کریں۔ نبی کریم صلی اللہ علیہ وسلم نے فرمایا<br />ہاں یا میرے اللہ! تب وہ شخص کہنے لگا جو حکم<br />آپ صلی اللہ علیہ وسلم اللہ کے پاس سے لائے ہیں،<br />میں ان پر ایمان لایا اور میں اپنی قوم کے لوگوں کا<br />جو یہاں نہیں آئے ہیں بھیجا ہوا( تحقیق حال کے لیے)<br />آیا ہوں۔ میرا نام ضمام بن ثعلبہ ہے، میں بنی سعد بن<br />بکر کے خاندان سے ہوں۔ اس حدیث کو (لیث کی طرح)<br />موسیٰ اور علی بن عبدالحمید نے سلیمان سے روایت کیا،<br />انہوں نے ثابت سے، انہوں نے انس سے، انہوں نے یہی<br />مضمون نبی کریم صلی اللہ علیہ وسلم سے نقل کیا ہے۔<br /><br /> <br />کتاب: صحیح البخاری<br />حدیث نمبر: 63<br />درجہ: صحیح<br />
