આ વર્ષે ટાઈમ 100 નેક્સ્ટ લિસ્ટમાં સામેલ થનાર આકાશ અંબાણી એકમાત્ર ભારતીય છે. દેશના સૌથી મોટા કોર્પોરેટ હાઉસની નવી પેઢીના લીડર આકાશ અંબાણી વિશે ટાઈમ મેગેઝિન કહે છે કે માત્ર 22 વર્ષની ઉંમરે જિયોના બોર્ડમાં સ્થાન મેળવ્યું જે એક નોંધપાત્ર સિદ્ધિ છે. તમને જણાવી દઈએ કે આ વર્ષે જૂનમાં આકાશ અંબાણીને ભારતની સૌથી મોટી ટેલિકોમ કંપની રિલાયન્સ જિયોની કમાન સોંપવામાં આવી છે. 42 કરોડ 60 લાખ ગ્રાહકો ધરાવતા રિલાયન્સ જિયોને સંભાળવાની જવાબદારી હવે નવા ચેરમેન આકાશ અંબાણીના ખભા પર છે.
