NOTTE 'E NATALE.<br />A fiocchi 'a neve sta' scennenno 'a cielo,<br />dint' all' oscurità 'e 'sta notte Santa...<br />'Ntrasatte 'o friddo è addeventato ggelo,<br />mantre 'a muntagna chianu chiane ammanta. <br />Tutt' a nu tratto 'n' angiulillo bbianco,<br />sperduto mmiezo 'a neve sta' cantanno,<br />ha cammenato tutt' 'o juorno...è stanco,<br />e lentamente 'a voce sta' calanno. <br />Che 'nce faje cca' tu sulo 'int' 'a nuttata? <br />A st' ora tarda ma che vaje cercanno?<br />'A lampetella mmano s'è stutata,<br />nun vire ca fa' friddo e staje tremmanno??? <br />Risponne: "Sto' seguenno chella stella,<br />ll' unica stella ca' risplenne 'e cchiu'...<br />stanno dicenne ca' dint' a 'na stalla,<br />fra poco.... sta' pe nnascere Gesu'!"<br />Voglio canta' pur' io pe' 'Stun Nennillo,<br />nisciuno 'ncilelo 'o ssape ca sto' cca'....<br />Me so' annascuso dint' a n' angulillo,<br />p'attennere 'o mumento pe' scappa'! <br />S'allumma 'a lampetella pe' magia,<br />'a strada è ancora longa p'arriva',<br />'a voce soja ca lle fa' cumpagnia,<br />Sulo...'int' 'o scuro...'n' Angiulillo va'...<br />Filomena Di Sarno <br />(Reg.alla siae)<br />Musica<br />Tu scendi dalle stelle<br />
