Tramonto<br />✨❤️✨❤️<br />Romano Rizzo<br />✨❤️✨❤️<br />Nu raggio ‘e sole sciulia ncopp’a ll’onne<br />ca se so’ fatte rosse comm’’o ffuoco,<br />mentre ca ‘o sole a mare s’annasconne<br />e se ne scenne nfunno a poco a poco.<br />‘O cielo avvia a piglià mo sfumature<br />ca nisciuno pittore ‘e po’ maje fà;<br />se mmescano ‘ntra lloro sti culure<br />ca ogne mumento tu vide ‘e cagnà.<br />‘O viento, bell’e buono, s’è fermato<br />e i’ sto nchiuvato , senza riciatà;<br />pare ca tutt’’o munno s’è ncantato<br />annanze a stu spettaculo d’està.<br />Luntano assaje, veco ‘e passà na vela..<br />Dint''o silenzio canta sta riviera..<br />Ma ’o sanghe int’’e vvene me se gela<br />veco ca scenne già ll’ombra d’’a sera!<br />Musica<br />Napule e '<br />Brano<br />Roberto Murolo<br />Marechiaro<br />❤️❤️❤️
