ચીનમાં કોરોના સંક્રમણથી લાખો લોકો પોતાના જીવન-મરણ વચ્ચે જોલા ખાઈ રહ્યા છે. દેશમાં વાયરસે ફરી એકવાર દેશમાં તબાહી મચાવી છે. સરકાર દ્વારા ઝીરો કોવિડ પોલિસી પર યુ-ટર્ન બાદથી આવી સ્થિતિઓ આવી છે. એક સ્વાસ્થ્ય અધિકારીએ કહ્યું હતું કે,ચીનમાં કોવિડ-19 સંક્રમણની સંખ્યા એક સપ્તાહની અંદર તેની પીક પર પહોંચી જશે. ચીનમાંથી હાલમાં સામે આવેલી તસવીરો ખુબ જ ભયાવહ સાબીત થઈ છે. કોરોનાથી પીડિત દર્દીઓ જમીન પર સારવાર લેવા મજબુર બન્યા છે જ્યારે હોસ્પિટલમાં નથી બેડ કે નથી દવાઓ તેથી લાખો દર્દીઓના જીવન જોખમમાં મુકાયા છે.
