Notte napulitana<br />Maria Clotilde Cundari<br />❤️<br />‘A luna stenne na cupertella <br />'e luce ‘ncopp’ô mare<br />e ‘o mare s’arrècrea, <br />arrecetta e luccechèa<br />poi chiamma ncielo ‘e stelle: <br />Venite, favurite<br />vuje site sempe ‘e cchiú gradite<br />pecché ‘a notte vo’ ‘e cannele <br />pe fà luce ’nzieme ‘a luna<br />e chi ‘e conta ad una ad una<br />o è 'nu pesce 'nzunnecchiato<br />o è 'nu core nnammurato.<br />E ‘o Vesuvio ca se fruscia<br />alliccat' int’ â marina<br />s’he stipato ‘a meglia stella<br />pe brillà fin’ â matina.<br />'Nu lampione rusicanno <br />chin’ ‘e scuorno<br />vire ‘e stelle nzieme â luna<br />e se vulesse levà ‘a tuorno<br />poi ce pienza… e <br />poco primma ‘e se stutà<br />va alluccanno: <br />ma vattè’ chi se ne fotte<br />cumme a vuje anch’io ogne notte<br />tengo chesta bella ciorta<br />‘e fà luce a ‘sta città Maria Clotilde Cundari<br />Poesia<br />Totò <br />Zuoccole tammorre e femmene
