‘O tiempo corre<br />Romano Rizzo.<br />❣️❤️❣️❤️❣️<br />‘O tiempo corre, passa e se ne va<br />e niente, niente maje putimmo ffà;<br />a ppoco a ppoco pure nuje cagnammo<br />ma è tarde quanno, po, ce n’addunammo.<br />.<br />Tanno ce llassa pure ll’allerìa,<br />vulanno chi sa addò, ma assaje luntano;<br />‘ncore ce avvia a trasì ‘a malincunia,<br />che cresce sempe,po, a mano a mano.<br />.<br />A uno a uno partono ‘e ricorde,<br />luntano vanno e nun ‘e vide cchiù<br />e comme a na chitarra senza corde,<br />mo, chianu chiano te si’ fatto tu.<br />.<br />E ‘o tiempo corre sempe e nun se ferma..<br />chi sa che pavarrisse p’’o fermà,<br />po, ‘a fine ‘e chesta corza ‘ncopp’’o schermo<br />d’’a vita toja…staje pe vedè arrivà !!<br />Musica <br />Appucundria<br />❣️
