Chianto d'ammore<br />Giovanna Balsamo<br />Si stato tu...ca forse pe ddispietto,<br />m'hê scippato 'o core 'a 'int'ô pietto.<br />Ll'hê strupicciato comm'a nu straccio:<br />ll'hê ammappuciato peggio 'e na petaccia.<br />Si ll'astrigne dint'ê mmane se turcea:<br />comme 'a na spugna nzupppata spercea.<br />Quanta suspire sotto 'a luna chiena:<br />eveme dduje core aunite 'a na catena.<br />Mo ca ll'aniello d' 'a catena s'è spezzato,<br />mo ca nun simmo cchiù nu sulo sciato;<br />'stu core mio triste s'è svacantato:<br />'int'â nu sciumme 'e lacreme ll'hê lassato.<br />No, no... nun po' essere, nun ce credo...<br />aspetto sulo ca te passa chesta freve. <br />Famme ancora sentere chella canzona,<br />ca sunava mentre m'astrignive a tte.<br />Mme guardave cu 'o sguardo nnammurato:<br />uocchie scure ca fremmevano pe mme.<br />Astrigneme a tte, accarezzame 'o core:<br />chiammane ammore comme facive allora. <br />Si nun me vuo' cchiù bbene te capisco:<br />nun te cerco, nun chiagno e ccumpatisco.<br />Ma si è stato sulo nu mumento 'e pazzaria...<br />sto' ccà...t'aspetto:<br /> torna...ammore mio.<br />Giovanna Balsamo<br />Musica<br />Perdere l'amore<br />Brano<br />Pino Daniele<br />Amici come prima<br />❤️❤️<br />Creative video<br />annare53
