مائل بہ کرم چشمِ عنایات بھی ہو گی<br />خورشید سے ذروں کی ملاقات بھی ہو گی!<br />مایوس نہیں ہیں شاہِ خوباںﷺ کے بھکاری<br />تقسیم کبھی حسن کی خیرات بھی ہو گی! <br />کٹ جائیں گے ایام میری تشنہ لبی کے <br />میخانہ سلامت رہے برسات بھی ہو گی! <br />آئے گی جہاں گیسوۓ والّیل کی خوشبو <br />سجدہ بھی ادا ہو گا مناجات بھی ہو گی! <br />یہ دور بڑے نام سے منسوب ہوا ہے <br />اُس نام کی نسبت سے مکافات بھی ہو گی! <br />آقاﷺ کبھی بدلیں گے میرے شام و سحر بھی <br />تبدیل کبھی صورتِ حالات بھی ہو گی! <br />چمکے گی در و بام کی تقدیر بھی واصفؔ <br />اس گھر پہ کبھی تابشِ لمحات بھی ہو گی !<br />واصف علی واصف رحمتہ اللہ علیہ<br /><br />
