Iikot ang istorya ng "Eve" sa gagawing paghihiganti ni La-el na gagampanan ng Korean actress na si Seo Yea-ji.<br /><br />Bata pa lamang si La-el ay inalis na sa kaniya ang lahat - pera, pamilya, at kasiyahan. Lahat ng ito ay kinuha sa kaniya ng mayayamang tao na kinain na ng kasakiman.<br /><br />Ang pagkamatay ng kaniyang ama at pagkasira ng kanilang pamilya ang mag-uudyok sa kaniya upang isakatuparan ang kaniyang binuong plano na paghihiganti sa loob ng labing-tatlong taon.<br /><br />Ang pangunahing target niya ay ang ang CEO ng LY Group business empire na si Connor (Park Byung-eun), isa sa mga dahilan ng pagkawala ng kaniyang ama.<br /><br />Sisirain ni La-el ang relasyon ni Connor sa asawa nitong si Sylvia (Yoo Sun) na anak ng isang kilalang politiko.<br /><br />Aakitin ni La-el si Connor hanggang sa magkahiwalay sila ni Sylvia at mapabagsak niya ang kumpanya nito.<br /><br />Makukuha kaya ni La-el ang kasiyahang hinahangad niya sa pamamagitan ng paghihiganti?<br /><br />Paano kung mapamahal na rin siya kay Connor?<br /><br />Subaybayan ang kuwento ng paghihiganti ni La-el (Seo Yea-ji) sa Korean melodrama series na 'Eve,' Lunes hanggang Huwebes, 10:20-10:50 p.m., at Biyernes, 10:35-11:20 p.m., sa GMA Telebabad!
