Organizata e Kombeve të Bashkuara ka publikuar së fundmi një raport e cila tregon se India ka zënë vendin e Kinës për numrin më të lartë të popullsisë, duke shënuar një ndryshim epokal në demografinë globale.<br />Dekada të politikave kufizuese që ndalojnë familjet që të kenë më shumë se një fëmijë, ngadalësuan në mënyrë dramatike shkallën e lindjeve në Kinë, duke i hapur kështu Indisë rrugën për t’u bërë vendi më i populluar në botë.<br />Por, sipas një analize të CNN, India mund të ketë kaluar Kinën në popullsinë totale, por të dhënat e OKB-së tregojnë gjithashtu se ritmi i saj i rritjes është ngadalësuar. <br />Si Kina ashtu edhe India kanë më shumë se 1.4 miliardë banorë dhe së bashku, ato përbëjnë më shumë se një të tretën e 8 miliardë njerëzve në botë.<br />Realisht është Afrika ajo që kryeson me normat e lindshmërisë. Sipas OKB-së më shumë se gjysma e rritjes së popullsisë së botës deri në vitin 2050 do të vijë nga vetëm 8 vende: Republika Demokratike e Kongos , Egjipti , Etiopia , India , Nigeria , Pakistani, Filipinet dhe Tanzania.<br /><br />Avdi Bakiju
